Үгэскэ кубулуйан, 2013 сылтан ыытыллар «Басхан» бырайыак быйылгыттан үрдүк таһымҥа тахсан, өрөспүүбүлүкэ уолаттарын түмэр киэҥ түһүлгэҕэ кубулуйда. Бастакы өрөспүүбүлүкэтээҕи дьылабыай оонньуу (куонурус) биллиилээх государственнай уонна политическай деятель Илья Винокуров төрөөбүтэ 125 сылыгар уонна Саха Өрөспүүбүлүкэтин күнүгэр ананан муус устар 20-26 күннэригэр ZOOM платформаҕа ыытылынна.
  Басхан диэн тыл «лиидэр» суолтатыгар туттуллар. Ол аата «бас-көс, баһылыыр-көһүлүүр» диэн суолталаах. Эр киһи ханна да буоллун: тэрилтэтигэр да, дьиэ кэргэнигэр да бас-көс, төһүү, тутаах киһи буолуохтаах. Ылыннарыылаах тыллаах, ырааҕы өтө көрөр дьоҕурдаах, киэҥ билиилээх, сатабыллаах. Маннык дириҥ ис хоһоонноох ааты сүгэр уолаттарбыт кэлин нэһилиэктэрин, улуустарын, өрөспүүбүлүкэлэрин ааттатар, салайар, сайыннарар дьон буолуохтара диэн эрэлбит улахан.
   Уол оҕо иитиитигэр ураты болҕомто ирдэнэрин өйдөөн уонна биир сыал-сорук тула уолаттары, эр дьону түмэ тарпыт киһи диэн санаанан салайтаран бу бырайыагы тобулбуппут. Оонньуубутун ... Читать дальше »